القائمة الرئيسية

الصفحات

أخر الاخبار

مقارنة بين هاتف Honor 9X Lite و Redmi Note 8 – أفضل موبايلات بسعر 2500 جنية ؟



المقارنة بين الهاتفين

التصميم :

حقيقي تحت الـ3000 جنيه مش هتلاقي فعلاً تصميم افضل ولا خامات اغلى وافخم واروع من خامات الموبايلين دول .. الموبايلين بيجو بضهر من الزجاج الفخم الشيك مع فريم الى حدٍ ما اقوى في Honor 9X Lite عن Redmi Note 8، وعمومًا هتحس انك مبسوط جدًا وانت ماسك الموبايلين دول.

الـ9X Lite اخف في الوزن وأرفع في التخانة بس أكبر في الحجم حاجه بسيطة من هاتف الـNote 8 .. وعلشان متتوهش مني .. متاكد انك هتبقي مبسوط من الموبايلين وانت بتستخدمهم بإيد واحدة عادي بدون اي مشاكل.

الشاشة داخل الموبايلين :

الموبايلين دول مُميزين  في الشاشة .. هاتف Honor 9X Lite Lite بيجي بشاشة كبيره بحجم 6.5 بوصة من نوع IPS LCD بدقة FHD+ .. بس شكل النوتش القديم للأسف هو عيب الشاشة دي.

اما  Redmi Note 8 بيجي بشاشة 6.3 بوصة من نوع IPS LCD بدقة FHD+ ، مع شكل النوتش الـWater Drop المقبول شوية ، وطبيعي هبقى راضي جدًا عن شاشة بدقة محترمة FHD+ في موبايل بسعر اقل من 3000 جنية.

الشاشتين بيقدموا نفس السطوع في الشمس ولكن الشاومي يحتوي  علي حماية Corning Gorilla Glass الجيل الخامس من غير سكرينة ، اما الهونر معليهوش طبقة حماية رسمية ولكن يوجد  في علبة الموبيل اسكرين.

ملاحظة عن شاشة الموبايلين :

1- الحواف الأقل وإستغلال الواجهة الأفضل في مُمتاز في هات Honor 9X Lite عن هاتف Redmi Note 8.

2- الوان شاشة Honor 9X Lite افضل وتشبعها أعلى من Redmi Note 8.

3- شاشة هاتف Redmi Note 8 ظهر فيها مشاكل تطبيق من نسبة قليلة من المستخدمين.

الأداء :

هاتف Honor 9X Lite بيجي بمعالج Kirin 710 بمعمارية 12 نانو، نفس المعالج الموجود في Y9 2019 ،اما هاتف Redmi Note 8 بيجي بمعالج سناب دراجون 665 بمعمارية 11 نانو.

والافضل في الاداء بين الهاتفين هو Honor 9X Lite

البطارية :

بطارية Redmi Note 8 بتيجي بحجم 4000 مللي امبير ،اما بطارية Honor 9X Lite بحجم 3750 مللي أمبير ،الموبايلين مش هيفرقوا عن بعض كتير في الإستخدام ،هيدولك حوالي من 6 لـ7 ساعات شاشة مفتوحة.
وطبعا الموبايلين دول مش بيقدموا اقوى بطارية دلوقتي.

الكاميرات :

Redmi Note 8 فيه 4 كاميرات في الظهر،  انما Honor 9X Lite فيه كاميرتين بس، الأساسية في الموبايلين 48 ميجا بيكسل ،والشاومي بيتفوق في وجود عدسة Ultra Wide وMacro ودول مش موجودين في الHonor 9X Lite ، السيلفي 13 ميجا بيكسل في Redmi Note 8 وبدقة 8 ميجا بيكسل في الHonor 9X Lite.

بالنسبة للتصوير في الشمس، فالهونر بيطلع صوره بشكل عام احسن، واقعية والألوان مظبوطه اكتر، اما التفاصيل فهي قريبه من بعض جدًا في الموبايلين، والتصوير في الظله بقى لأ الشاومي أفضل وحدة الصوره احسن والتفاصيل أكتر والألوان احسن.

سعر الموبايلين :

سعر نسخ هاتف Redmi Note 8 :
مساحة تخزين 32 جيجا مع 3 جيجا رام بسعر 2400 جنيه مصري.
مساحة تخزين 64 جيجا مع 4 جيجا رام بسعر 2800 جنيه مصري.
مساحة تخزين 128 جيجا مع 4 جيجا رام بسعر 3100 جنيه مصري.

سعر نسخة هاتف Honor 9X Lite :
مساحة تخزين 128 جيجا مع 4 جيجا رام بسعر 2888 جنيه مصري
reaction:

تعليقات